அவளும் பெண் என்பதால்

உன் புது துணைக்கான

தேடல்கள் ஒவ்வொரு

முறையும் நீ

தொடங்கும் போது
என் உயிர் அறைகள்
மரணம் சம்பவிப்பதாய்
கனவில் வரும்
உன் தாயிடம் சொல்

பெண் என்பதால்
அவளுக்கே புரியும்
சிதைந்த என் இதயத்தின்
வலிகளும்
அதில் இரத்தம்
ஒழுகும் உன் நினைவுகளும்

நீயாக வந்து பிடுங்கினாலும்
மீண்டும் விழுதாய் பிறக்கும்
உன் மேல் நான் கொண்ட

நேசத்தின் வேர்களை

காற்றில் கலந்த

உன் தாய் அவள்
மட்டுமே அறிவாள்

மறைந்த பொழுதில்

நீ என்னை நேசிப்பதாய்

மொழிந்த வரிகளை