விட்டு சென்ற வார்த்தைகள்

பத்திரப்படுத்தி வைத்திருக்கிறேன்
உன் பழைய வார்த்தைகளை
என் கண்ணாடி பேழைக்குள்

உடையும் தருணங்களில்
சேர்க்கும் விரல்களாய்
விழிக்கும் பொழுதெல்லாம்
படுக்கை அருகே கிடத்தி வைக்கிறேன்

நெஞ்சின் நடுவே சுழன்று கொண்டு
நிற்கும் இடமெல்லாம் நினைத்து கொண்டு
வழி நெடுகிலும் விழுந்து கிடைக்க
இன்னொரு உயிராய்
உன்னை நானே ஏந்தி செல்ல
என்னுள் நானே செதுக்கி வைக்கிறேன்

நட்சத்திரங்கள் எரிந்த போன இரவிலும்
நிலாக்கள் மரிந்து போன அறையிலும்
உன்னோடு நான் மட்டும் பேசிக்கொள்ள
இருட்டு பிரசவத்தில்
இதயத்தில் ஈன்றெடுக்கிறேன்

எல்லாம் கடந்த பின்னும்

விரும்பியே கொன்ற பின்னும்

புதுப்பித்து புதுப்பித்து என்னுள்
புதைத்து வைக்கிறேன்

நேசம் கொள்ள நாளெல்லாம்